銀行無論借錢比有限公司定係無限公司，都會評估左佢地既財務情況、承擔能力、貸款用途、抵押品等，先至會借錢，都冇分無限定有限既公司架！

有限公司既借貸，對貸款人黎講，公司既責任係有限的，理論上係限於公司既資產、資本。(因為有限公司係法律上你一個獨立既法人) 所以銀行如果借錢比有限公司，除左考慮上述因素，一般都要加該公司既負責人 (董事) 作出私人擔保作牽制。

而無限公司借貸，對貸款人黎講，佢既責任係無限的...即係除左公司既錢，所有合夥人都可能上身，銀行係可以個個都追數，即係唔另外簽擔保，合夥人都有責任既。

另外，銀行考慮借錢比有限公司，跟據有限公司既會計師核實帳，比較會清楚佢地既基本條件，而商業信貸資料庫(CCRA)亦可以係銀行考慮之一，但係就算有限公司，每年 TURNOVER 大過 5000萬，都唔係強制要於 CCRA 披露資料，5000萬以下先要，所以都唔係間間有限公司都 CHECK 到啦..... 不過可能無限公司既財務情況透明度更唔高，好睇東主/合夥人既資歷，其實銀行考慮既因素係有好多架！